Të gjithë abonentët që do të kenë në vijim abonime me platformën dixhitale TiBO nuk do të kenë mundësi të ndjekin kanalet e DigitAlb dhe programacionin e tij. Njoftimi është bërë nga vetë Digitalb, i cili bën me dije se më 1 qershor ka ndërprerë bashkëpunimin me shoqërinë TiBO.
Njoftimi i DigitAlb
DigitAlb njofton të gjithë abonentët mbi disa ndryshime në listën e platformave të licencuara për transmetim.
Duke filluar prej datës 01.06.2021, DigitAlb ka ndërprerë bashkëpunimin me shoqërinë TiBO.
Duke filluar nga kjo datë, të gjithë klientët që do të blejnë abonime në TiBO nuk do të kenë mundësi të ndjekin kanalet e DigitAlb dhe programacionin e larmishëm të tij.
Për çdo abonim në DigitAlb ju ftojmë të vizitoni pikat e autorizuara të shitjeve si dhe partnerët zyrtarë të DigitAlb në Shqipëri, Kosovë dhe Maqedoni.
DigitAlb është duke u zhvilluar dhe njëkohësisht është duke investuar në teknologjitë më të fundit që garantojnë përmbushjen e të gjitha pritshmërive të abonentëve të tij.
Për çdo pyetje apo paqartësi ju ftojmë të na kontaktoni në www.digitalb.al
K.T./ReportTv.al